aDute 12:5,6,13-15,21
b16:9,10; Eks 30:33
c14:7
d3:2
e3:2
fGen 8:21; Levi 4:31
g2 Lan 11:15
hEks 34:15
i1:2,3
j17:4
k3:17
l20:3,6, 26:17; Hez 14:8, 15:7
m17:14
nMat 26:28; Mark 14:24; Roma 3:25, 5:9; Efe 1:7; Kol 1:14,20; Heb 13:12; 1 Joha 1:7; Isam 1:5
oHeb 9:22
pDute 12:16,24, 15:23
qHez 24:7
r17:11; Gen 9:4
sEks 22:31; Levi 7:24, 11:40, 22:8; Dute 14:21; Hez 4:14, 44:31
tGen 31:39
u16:29, 18:26, 19:34
v11:25
w15:5
x5:1; Nani 19:20

Leviticus 17

Imithetho yokuhlaba

1INkosi yasikhuluma kuMozisi isithi: 2Tshono kuAroni lakumadodana akhe, lebantwaneni bonke bakoIsrayeli, uthi kubo: Leli yilizwi iNkosi elaye ngalo isithi: 3Loba ngubani wendlu kaIsrayeli ohlaba inkabi a loba imvu loba imbuzi enkambeni, kumbe ekuhlabela ngaphandle kwenkamba, 4engakulethanga emnyango wethente lenhlangano ukunikela umnikelo eNkosini phambi kwethabhanekele leNkosi, igazi lizabalelwa lowomuntu, uchithile igazi; ngakho lowomuntu uzaqunywa asuke ebantwini bakibo b. 5Ukuze, lapho abantwana bakoIsrayeli beletha imihlatshelo yabo, abayihlabela endle c, bayilethe eNkosini emnyango wethente lenhlangano, kumpristi, bayihlabe ibe yimihlatshelo yeminikelo yokuthula eNkosini d. 6Njalo umpristi uzafafaza igazi phezu kwelathi leNkosi e emnyango wethente lenhlangano, atshise amahwahwa, abe luqhatshi olumnandi eNkosini f. 7Njalo kabasayikuhlabela amadimoni g imihlatshelo yabo, ababephinga ngokuwalandela h. Lokhu kuzakuba yisimiso esilaphakade kubo ezizukulwaneni zabo.

8Tshono-ke kubo uthi: Ngulowo lalowo wendlu kaIsrayeli, lakowemzini ohlala njengowezizwe phakathi kwabo, onikela umnikelo wokutshiswa loba umhlatshelo i, 9angawulethi emnyango wethente lenhlangano ukuze awenzele iNkosi j, lowomuntu uzaqunywa asuke ebantwini bakibo.

Igazi kalivunyelwa ukudliwa

10Njalo ngulowo lalowo wendlu kaIsrayeli, lakowemzini ohlala njengowezizwe phakathi kwabo, odla loba yiliphi igazi k, ngizamisa ubuso bami bumelane lomphefumulo odla igazi l, ngiwuqume usuke phakathi kwabantu bawo. 11Ngoba impilo yenyama isegazini m; mina-ke ngilinike lona phezu kwelathi ukwenzela imiphefumulo yenu inhlawulo yokuthula n; ngoba kuligazi elenzela umphefumulo inhlawulo yokuthula o. 12Ngakho ngathi ebantwaneni bakoIsrayeli: Kakungabi lamphefumulo kini odla igazi; lowemzini ohlala njengowezizwe phakathi kwenu kangadli igazi. 13Njalo ngulowo lalowo ebantwaneni bakoIsrayeli, lakowemzini ohlala njengowezizwe phakathi kwabo, ozingela inyama yenyamazana kumbe inyoni edliwayo, uzathulula igazi layo p, aligqibele ngenhlabathi q. 14Ngoba kuyimpilo yenyama yonke r; igazi layo lisempilweni yayo; yikho ngathi ebantwaneni bakoIsrayeli: Lingadli igazi loba ngelayiphi inyama, ngoba impilo yayo yonke inyama kuligazi layo; loba ngubani olidlayo uzaqunywa. 15Futhi wonke umphefumulo odla ingcuba s kumbe inyamazana edatshuliweyo phakathi t kwabokuzalwa elizweni kumbe phakathi kwabemzini u, uzahlamba izembatho zakhe v, ageze ngamanzi w, abe ngongcolileyo kuze kuhlwe; emva kwalokho uzahlambuluka. 16Kodwa uba engaziwatshi, engagezi umzimba wakhe, uzathwala ububi bakhe x.

Copyright information for Ndebele